 |
| the real Ghost Busters |
Noong Dekada ‘90
pagsapit ng Biyernes alas-7 ng gabi nakatutok na kami sa Channel 2
para manood ng cartoons. Ghost Busters ang inabutan kong cartoons na
ipinapalabas nila sapul nang magkaroon kami ng telebisyon.
1991 o
1992 yata namaalam sa Philippine TV ang Ghost Busters, pumalit yung
Teenage Mutant Ninja Turtles na naging equally phenomenal din o kaya
ay mas higit pa.
 |
| TMNT |
Tapos 1994 inalis na naman yung TMNT, pumalit naman
yung X-Men na mas lalong astig. Pagdating talaga ng Biyernes alas-7
ng gabi walang aagaw sa amin sa telebisyon, may PBA noon pero bahala
kayo diyan! Gusto namin mapanood si Wolverine!
 |
| The Uncanny X-Men |
Tapos, here comes 1995,
Mighty Morphin Power Rangers naman, lalong hindi kami mahiwalay sa TV. Go Go
Power Rangers na! Paborito ko noon si Green Ranger kasi kakaiba
costume niya sa lima, siya lang yung may suot na body shield tapos
yung Dragon Dagger niya tumutunog para tawagin yung Dragon Zord,
tawag ko nga dun torotot eh.
 |
| Mighty Morphin Power Rangers |
Kaya lang pagdating ng 1996 at 1997
nag-iba na ang trend sa telebisyon, pumasok na yang mga soap opera na
yan, yung mga “Mula sa Nguso” at “Experiensiya” wala na!
Ngayon panahon na ng mga Millennials,
tambak na lalo yang mga drama na yan, nawala na yung mga cartoons sa
primetime, pati tuloy quality ng programa bumaba na, ang importante
kasi makagawa ng maraming drama para tumapat sa kalaban at para may
trabaho yung overcrowded na artista.
Tapos na yung panahon na hinihintay
talaga yung araw ng Biyernes at magmamadali tapusin yun assignments,
kumain at maglinis ng katawan ang maaga para makapanood ng paboritong
cartoons.
No comments:
Post a Comment